Snorri on...

Search

Join Snorri Helgason's mailing list. We will absolutely not give your email address to anyone else. Promise.

join our mailing list
* indicates required

Góðar fréttir

Hæ.
Mjög góðar fréttir: I’m Gonna Put My Name On Your Door kemur út í evrópu 29. október og 19. nóvember í Bandaríkjunum og Kanada. Það eru meistararnir hjá Kima sem gefa út.
Ég mun vera á miklu ferðalagi í haust og næsta vor að fylgja þessum útgáfum eftir bæði einn og svo vonandi í samfloti með einhverjum öðrum böndum.
En ég er að sjá einhvern massívan rómans í því að vera að túra einn. Ég sé þetta fyrir mér; fæ mér einhvern beat-up pallbíl og góðan hund og góðan hatt og flösku af jack og bara hit the road. Negla.
Svo kemur það bara í ljós hvort að ég endi einhvers staðar á bensínstöð rétt hjá Eindhoven að böska fyrir einhverju evruklinki fyrir einni Bockwurst. Þangað til er ég bjartsýnn.

London Calling

Annað þessu tengt… ég ætla að kveðja Reykjavík í bili og setjast að í London í byrjun september. Hví, þú spyrð? Jú;
1. Allt að gerast þar og nóg að spila.

2. Þá er ég staðsettur nær evrópumarkaði og ódýrara að ferðast á milli.

3. Kærastan mín er að fara þangað í nám.

4. London er snilld.

5. Ég er svolítið búinn að klára Reykjavík í bili, ef þið skiljið hvað ég á við.

Ég er mjög spenntur fyrir þessu. Mun búa þarna með fimm vinum mínum og upplifa allskonar snilld.

Ólán á Rás 2

Nýja lagið mitt, “Ólán” var að fara í spilun á Rás 2 og mig langar til þess að biðja ykkur um að fara inn á Vinsældarlista Rásar 2 og kjósa það þar ásamt 4 öðrum lögum (mæli t.d. með Hjaltalín,  Hjálmum & Helga Björns, Gorillaz, Reykjavík! & Mugison, Mefismafíunni….). “Ólán” er svolítið skrítið lag. Það fer ekki mikið fyrir því og það gæti verið að það þurfi smá hjálp svona við fyrstu skrefin að eyrum hlustenda. En ég er viss um að fólk vill heyra þetta lag. Það veit bara ekki alveg af því 🙂

Vínyll

Ahh… og eitt annað… við vorum að ákveða að láta pressa I’m Gonna Put My Name On Your Door á vínyl núna í byrjun ágúst. Þannig að við vínylperrarnir fáum nýtt fix fljótlega. Það verður unaðslegt.

Poppperraþátturinn Yoko Dónó

Ef þið vissuð það ekki þá sé ég um útvarpsþáttinn Poppperraþátturinn Yoko Dónó á Xinu 977 alla laugardaga frá 14-16. Í stuttu máli þá fjallar þátturinn um Poppsöguna í mjög víðum og lausum skilningi. Ég hoppa á milli tónlistarsstefna og -tímabila og reyni svo að tengja allt saman saman með einhverjum fróðleiksmolum og sögum. Svo fæ ég oft gesti til mín til þess að tala um einhverja hljómsveit eða eitthvað sem þeir þekkja vel. Mér finnst þetta mjög skemmtilegt enda mikill poppperri.
p.s. ef einhver veit um sniðuga leið til þess að gera upptökur af þættinum aðgengilegar á netinu sem podcast má hann endilega láta mig vita.

Takk fyrir mig.

Kveðja,
Snorri.


Share |